Popular Bible Verses from Loma 6

Share

O hci no raraw i, o patay. Nikawrira, o sapafli no Kawas i titaanan a mikomi i, o mida'ocay a 'orip to nano nika laccay ita ato Tapang ita ci Yis Kristoan.

Nawhani, caayto ko mamapalit no raraw kamo, caayto ko mamakowan no Rikec kamo. O i laloma'ayto no mikomi no Kawas kamo.

Pakayni i nika paino' ita ko sakapikapot ita i Cingraan a mapatay a matadem. Ta matiya o pipalowad no Wama ita ci Kristoan a pa'orip nai patay pakayni i tadamaanay a 'icel Ningra ko nika nga'ay ita i matini a masafa^loh ko 'orip.

Aka patoroden i raraw ko tireng namo a malalalosidan no tatiihay a dmak. O mapa'oripayto nai patay kako han ko harateng a pacakat i Kawas to tireng namo a malalalosidan no mo^celay a dmak.

Mafana' kita, o katlangay a faloco' ita koya mapakapotay i ci Kristoan a mapacek i ciwcika. Onini i, o sapalasawadaw to ciraraway a tireng ita, ta caayto ka lakoli no raraw kita i ikor nonini.

Orasaka, ano pakayniay i raraw i, mapatayayto kako. Nikawrira, o 'orip ako anini tona mapalaccayayto kako aci Yis Kristo i, o pasayraayto i Kawas ko faloco' ako, han ko faloco' namo.

Ano hatira i, o sasamaanen ita? O nika rarid ita a ciraraw ko nga'ay, ta matongal a matongal a mahapinang ko mikomi no Kawas i titaanan saan kita haw? Caay ka nga'ay! Ano pakayniay i raraw i, o mapatayayto kita, mimaan haca kita a mararid a ma'orip i raraw saw?

Mafana'to kamo, ano patorod kamo to tireng a palakoli no nima a mitoor toya tawki i, o koli ningra kamo. Ano malakoli no raraw kamo i, o patay ko pahrekan. Ano mihaklong to Kawas kamo i, o mamalamo^celayto a tamdaw kamo.

O aahowiden ko Kawas. Nawhani nano koli no raraw kamo i ti:yaho. Nikawrira, masarocodto ko faloco' namo anini a mitoor to nipasifana'an i tamowanan a sowal no Kawas. O matdalayto kamo nai sapalit no raraw. Saka, o mo^celay a dmak ko palakoliay tamowanan.