Popular Bible Verses from Loma 14

Share

Nawhani o mo^celay ato parihadayay ato lipahak ko nano Fangcalay 'Adingo ko pikowan no Kawas, caay ko pakayniay i kakaenen ko pikowan Ningra. Ano mahaen ko nika tayal no tamdaw i ci Kristoan i, o kaolahan no Kawas, malakahmekan no tamdamdaw cingra.

O sapalipahak to Tapang ko nika 'orip ita ato nika patay ita. Orasaka, ano nika 'oripto, ano nika patayto ita i, o no Tapangto kita.

Tona mahaen saka, longocaw ita ko sakararihaday ato sakasasipa'icel to faloco' a dmak.

Orasaka, akato kasasilikaf. Ka o nipihapinang to faloco' ko nga'ay to saka^caaw patahfikod i piti'er no salikaka a pakaciraraw.

Mato sowal a matilid i Fangcalay Cudad, <<O sowal no Tapang i, O ma'oripay a Kawas Kako. Saka, o mamipitosor ko tamdaw a ma^min i ka'ayaw Ako. O papatalahkal ko tamdaw a ma^min to nika o Kawas Kako,>> saan. Orasaka, o papatalahkal ko kahaccaccay ita a pasowal i Kawas to nano dmak no tireng.

Pihamham kamo a pacomod to tadancaayho ko piti'er i ci Kristoan a tamdaw. Aka ka laliyang ato cingra to niharatengan ningra.

O masamaanay a tamdaw kiso saw iro milokes kiso to matayalay no tao? O tawki ningra ko citodongay a miharateng to nika lahci ato nika ^ca ka lahci no tayal ningra. O mamalahci ko tayal ningra. Nawhani ma^deng ko Tapang a palowad cingraan.