Popular Bible Verses from 'Olic 139

Share

Mipahmek kako i Tisowanan, nawhani o kakafahka'an, o kakangodoan ko pisanga' Iso i takowanan, o kafahka'an ko dmak Iso, mafana' ko faloco' ako tonini.

Kawasaw, nanay hapinangen Iso ko faloco' ako, kafana' to harateng ako, nanay lifeten Iso kako, sapsapen ko faloco' ako. Nanay nengnengen Iso kako ano iraho ko maan a tatiihay a faloco' ako, nanay kriden Iso kako a romakat i lalan no mida'ocay a 'orip.

O kmod no tireng ako i, Kiso ko misanga'ay, i tiyad no ina ako a mipakakafit Kiso i takowanan.

Yo caho ka hofoc kako i, ma'arawto Iso kako, maharekto Kiso a mitilid i cudad Iso to aira a dmak ato romi'ad ako.

TAPANGAW, masapsapto Iso ko faloco' ako, mafana'to Kiso i takowanan.

Talacowa kako ta malimek ako ko 'Adingo Iso saw? Talacowa kako ta malaliw ako ko pising Iso saw?

Mafana' Kiso to wakawak ako, yo i raayho i, mafana'to Kiso to niharatengan ako.

TAPANGAW, caho ka pasowal kako i, mafana'to Kiso to sasowalen ako.

Ano matayal, ano pahanhan kako i, ma'arawto Iso kako, mafana' Kiso to nidmakan ako a ma^min.