Popular Bible Verses from Taneng 22

Share

Pasifana'en ko wawa to mo^celay a lalan, ta caay ka piliyas cingra tonini a tahatolas.

O mita'ongay to TAPANG ato misapo^neray to faloco' a tamdaw i, o cacidafong, o tatadamaan, o kakakaya' ko 'orip ningra.

O nika nga'ay no lihaf iso ko nga'ay to nika cidafong ato nika cipayso iso.

Aka ka pisawidang kiso to karakteray a tamdaw

O sini'adaay a pafli i pakosiya a tamdaw to kakaenen i, o mamalmed cingra.

Malitmoh no mafana'ay a miharateng a tamdaw ko nika aira no pades haw i, tangsol sa cingra a miliyas. Nikawrira, o mafokilay a miharateng a tamdaw haw i, tayra a miraod toya pades.

O pakosiya a tamdaw i, o makowanay no cipaysoay a tamdaw, o mikiyamay a tamdaw i, o mamalakoli no pikiyaman ningra a tamdaw.

Malcaday a o nisanga'an no TAPANG ko cidafongay ato pakoyocay a tamdaw.

Aka ka pi'afas to maamaan no pakosiya a tamdaw, aka pisamsam a mipa^kel to awaay ko palawinaan a tamdaw. O TAPANG ko pa'adingay cangraan, ano cima ko miri'angay to 'orip nangra i, haenen no TAPANG a miala ko 'orip noya tamdaw.