Popular Bible Verses from Matay 7

Share

<<Pingitangit ta mapafli kamo. Pikilim ta pakatama kamo. Pikongkong to fawahan ta mafawah.

Nawhani o mingitangitay a tamdaw i, mapafli. O mikilimay a tamdaw i, pakatama. O mikongkongay to fawahan a tamdaw i, mafawah ko fawahan.

<<Orasaka, o mitngilay a mido^do tonini a sowal Ako i, matiya o patirengay i 'ongcoy to loma' no tireng a citanengay a tamdaw.

<<Orasaka, ano o maan a dmakan no tao ko kaolahan namo to saki tamowanan i, haenen ko dmak to saki taowanan. Onini ko so'linay a tatodong no Rikec ni Mosi ato nipasifana'an no pali'ayaway to sowal no Kawas.

Nikawrira, o picomodan i sakaci'orip a 'adawang i, tadakincoay, caay ka rahoday a rakaten koya lalan, caay ka 'aloman ko pakatamaay.

<<Pakayni i kincoay a 'adawang kamo a micomod. Nawhani o sakatayra i katkopan a 'adawang i, o kakahaday. O nga'ayay a rakaten a lalan saka, 'aloman ko pakayraay a micomod a tamdaw.

Talacowa o tatiitiihay a tamdaw kamo i, mafana' kamo a pafli to nga'ayay i wawa namo. Saka, mangalef ko nipipafli no Wama namo i kakarayan to nga'ayay i milongocay i Cingraan.

<<Aka pipastek to tamdaw, ta caay ka sawkit no Kawas kamo. Nawhani ano masamaan ko pipastek namo to tamdaw i, hatira ko pisawkit no Kawas i tamowanan. Ano o maan ko sapilatang namo a pafli i, orira ito ko sapilatang no Kawas a pafli i tamowanan.

<<Nikawrira, o caay pido^do to nitngilan a sowal Ako i, matiya o patirengay i tafok to loma' no tireng a mafolaay a tamdaw.

Paka'araw kiso to coca' no mata no salikaka iso i, nawiro caay pakahapinang kiso to nika ira no mifalatay a kilang i mata iso saw? Ira i mata iso ko mifalatay a kilang. Saka, caay ka nga'ay kiso a somowal to, <Alaaw ako ko coca' no mata iso,> saan a somowal i salikaka.

<<Pina'on to mangah a pali'ayaway to sowal no Kawas. Matiya o lalifanohen a siri a damsay ko papotal nangra. Nikawrira, matiya o mari'angay a oles ko laloma' nangra. Pakayni i dmak nangra ko sakafana' namo i cangraan. Tinako sa, cihci ko fadal to hci no fadisoso' saw? Cihci ko 'odidal to hci no sokon saw?

Malcad tonini, o nga'ayay a kilang i, o nga'ayay ko hci nira. O tatiihay a kilang i, o tatiihay ko hci nira.

O nga'ayay ko tireng a kilang i, caay ka tatiih ko hci nira. O ma'ngiday a kilang i, caay ka nga'ay ko hci nira.

O caay ka nga'ay ko hci a kilang i, o lalteken ta fahkolen i namal.