Popular Bible Verses from Matay 15

Share

Nikawrira, o masadakay i ngoyos a sowal i, o nai faloco'ay no tamdaw, onini ko paacekay to tamdaw. Nawhani nai faloco' no tamdaw a masadak ko masamaamaanay a tatiihay a harateng. Onini a tatiihay a harateng ko sakapipatay ningra to tamdaw, o saka'odang, o saka'otit, o sakapitakaw, o sakapisamangah ato sakapilokes ato romaroma a raraw

Oya micomoday i ngoyos a maamaan i, caay paacek to tamdaw. Oya masadakay i ngoyos a sowal ko paacekay to tamdaw,>> han Ningra.

<O sowal no Kawas i, o ngoyos aca nonini a finawlan ko mita'ongay i Takowanan. Nikawrira, miraay i Takowanan ko faloco' nangra. Salama han nangra ko nipita'ong i Takowanan. O no Kawas konini han nangra ko nisanga'an no tamdaw a limo'ot a pasifana' sanay,> >> han ni Yis.

Itiya i, paca'of sa ci Yis toya fafahiyan, <<O tadamaanay a miti'eray to Kawas a fafahiyan kiso. O mamalahci i tisowanan ko nilongocan iso a dmak,>> han Ningra. Saka, itiya a maadah koya fafahiyan a wawa ningra.

Namatngil nona fafahiyan konini a sowal, raod sa i Cingraan a mipitosor a mita'ong i ka'ayaw ni Yis. <<Tapangaw, padamaen kako!>> saan cingra a somowal. Paca'of sa ci Yis, <<Caay ka nga'ay a 'afasen ko 'alangad no wawa a pafli i waco,>> han Ningra. Sowal sa koya fafahiyan, <<Hai, Tapangaw, masanosowal Iso. Nikawrira, ano o wacoto i, komaen ito to matfaday a posak i kakomaenan no tawki naira!>> han ningra.