Popular Bible Verses from Matay 10

Share

<<Na'onen! O nipiocor Ako tamowanan i, matiya o nipipacomod to siri i oleolesan. Kamatiya o 'oner kamo a tariktik. Kamatiya o topi kamo a damsay.

O limlaay to 'orip no tireng i, o mamafalah ko 'orip ningra. Nikawrira, ano saki Takowanan ko pikinafalah to 'orip no tireng i, o papakalayap to 'orip.

Ano mipatapatay to tireng no tamdaw ko mipatayay a tamdaw i, caay pakapatay to salo'afang. Saka, aka ka talaw kamo. Kaoya mitkopay i pisemseman to salo'afang ato tireng no tamdaw a Kawas ko kakatalawan namo.

Oya caay kakahi a mi'orong to ciwcika no tireng a mitoor i Takowanan i, caayay ka tatodong a malamitooray i Takowanan.

<<O patalahkalay i ka'ayaw no tamdamdaw to nika fana' ningra i Takowanan i, o papatalahkalen Ako i ka'ayaw no i kakarayanay a Wama Ako ko nika fana' Ako i cingraan. O mihakenoay i Takowanan i ka'ayaw no tamdamdaw i, o hahaenen Ako a mihakeno cingra i ka'ayaw no Wama Ako i kakarayan.

O romasato, Adahen ko adadaay a tamdaw, palowaden a pa'orip ko mapatayay a tamdaw, adahen a mikorac ko malono'ay, fahfahen a pasadak nai tamdaw ko palafoay. O nitadoan namo konini a 'icel saka, haenen ko pipafli i cimacimaan.

Orasaka, aka ka talaw kamo. Ikakaay no nika limla no Kawas to adihayay a 'alic ko nika limla Ningra i tamowanan.

<<O sakatayni Ako i hkal i, o pararihadayay, aka ka saan ko harateng namo. Caay ko pararihadayay ko nika tayni Ako, o papatatoyay to fonos ato 'idoc ko nika tayni Ako.