Popular Bible Verses from Kalatiya 3

Share

Mahrekayto ci Kristo a patodong titaanan a ma'kak. Onini i, o sapitdalaw Ningra titaanan a palasawad to pi'kak no Rikec titaanan. Nawhani o sowal a matilid i Fangcalay Cudad i, <<O maca'itay i kilang a tamdaw i, o ma'kakay no Kawas,>> saan.

Saka, ano o Yutayato a tamdaw, ano o Krisiyato a tamdaw, ano o kolito, ano caayto ko koli, ano o fa'inayanto, ano o fafahiyanto i, awaay ko kasairoma to maan aca. O malaccayayto kamo i 'orip ni Kristo Yis.

Ano ni Kristoto kamo i, o tlocto ni Apraham kamo. O mamilayap kamo to nano niktonanto no Kawas a sowal.

O sakapihaen ni Kristo tonini a dmak i, o sapido^doaw no Kawas to nisowalan Ningra ci Aprahaman a mipakalmed to roma a finacadan pakayni ci Yis Kristoan. Ta pakayni i nipiti'er ita ci Kristoan ko sapilayap ita to nano nisowalan no Kawas a Fangcalay 'Adingo.

Ano hatira i, awaay ko cimacima a tamdaw to nika pido^do to Rikec a malali'ay ato Kawas, nawhani sowal sa i Fangcalay Cudad, <<Pakayni i paso'lin a malali'ayay ato Kawas a tamdaw i, o papakalayap to 'orip,>> saan.