Popular Bible Verses from Kolosay 1

Share

Pa'oripen no Kawas kita a paliyas nai 'icel no to'manay a milinah a patayra i nikowanan no kakaolahan Ningra a Wawa.

Nawhani pakayni i Cingraan ko nipisanga' no Kawas to maamaan. Ano i kakarayanayto, ano i hkalayto, ano o ma'arawayto, ano o caayto ka 'araw a ma'oripay a maamaan halotapatapang ato mikowanay ato cisakowanay a kawakawas i, pakayni i Cingraan ko nipisanga' no Kawas tonini a ma^min. O romasato, o saki Cingraan ko nipisanga' no Kawas tonini.

I 'ayaw no nika ira no maamaan a ira ci Kristo. Cingra ko sakatlek no maamaan.

Ci Kristo ko faco no caay ka 'araw a Kawas. O i kakaay no masanga'ay a maamaan Cingra.

Orasaka, namatngil niyam ko pakayniay i tamowanan a dmak i, mararid kami a mitolon to saki tamowanan, nanay mapafli no Kawas kamo to nano Fangcalay 'Adingo a masamaamaanay a taneng ato sakafana', ta ma^deng a mihapinang to nafaloco'an Ningra. Ta mado^do namo ko matatodongay i nafaloco'an no Tapang a dmak a mararid a palipahak i Cingraan. Ta nga'ay ko dmak namo a ma^min. Ta matongal a matongal ko nika fana' namo to Kawas.