Popular Bible Verses from 2 Korinto 5

Share

Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra.

Awaay ko raraw ni Kristo. Nikawrira, ci Kristo ko nipastekan no Kawas i raraw to nano raraw ita. Ta pakayni i nika laccay ita aci Kristo a malamilcaday kita to mo^celay a pinangan no Kawas.

Nawhani caay ko ma'araway ko pi'arawan niyam. O nano piti'er niyam ci Kristoan ko sapidmak niyam.

O nano Kawas a dmak konini a ma^min. Pakaynien no Kawas i ci Kristoan ko sakalali'ay ita ato Cingra. Patoroden Ningra i titaanan ko sakalali'ay Ningra ato tamdaw a tayal. Pakaynien no Kawas i ci Kristoan ko sakalali'ay Ningra ato tamdamdaw. Caayto haratengen no Kawas ko raraw nangra. O romasato, patoroden Ningra i tamiyanan konini a sakalali'ay Ningra ato tamdaw a sowal.

O tarokos ni Kristo kami. Pakaynien no Kawas i tamiyanan ko nipipa'icel i tamowanan. Saka, patadoen niyam ci Kristo a milongoc to sakalali'ayaw namo ato Kawas.

O nika patay Ningra to saki polong no tamdaw i, o saka^caawto pido^do no tamdaw to no tirengan a harateng. O sakapido^doaw nangra to faloco' noya mipatodongay cangraan a mapatay a lomowaday a ma'orip nai patay. Orasaka, i ikor nonini caayto samatiyaen niyam o pinengneng no kalotamdaw ko pinengneng niyam to sakafana' to tamdaw. Ano matiyatiya o pinengneng no kalotamdaw ko nipinengneng niyam ci Kristoan i ti:yaho, nikawrira, caayto ka haenen niyam ko pinengneng i Cingraan anini.

O makowanay no olah ni Kristo kami. Nawhani mafana'to kami, mapatay ko ccay a tamdaw to saki polong no tamdaw. Saka, o mapakapotay ko polong no tamdaw ci Kristoan a mapatay.