Popular Bible Verses from 2 Korinto 1

Share

O kakansiyaen ita ko Wama a Kawas no Tapang ita ci Yis Kristo, o karasini'adaay a Wama Cingra, o tatapangan haca no polong no sahinom. Yo mapades kami to masamaamaanay i, mihinom Cingra i tamiyanan. Saka, onini a sahinom Ningra i tamiyanan ko sapihinom niyam to mapadesay a tamdaw to masamaamaanay.

Mikapot kami ci Kristoan a mapades to masamaamaanay a pades. Saka, pakayni i ci Kristoan ko sakahinom niyam to masamaamaanay.

Deng to o mapastekay i patay sanay ko piharateng niyam. O sakamatini niyam i, o saka^caaw piti'er niyam to tireng, o sapiti'eraw niyam to Kawas oya palowaday a pa'orip to mapatayay.

O Kawas ko mipili'ay titaanan a palacidek a pahapinang to nika laccay ita aci Kristo. Topaen Ningra kita to kacipinangan to nika o maloningrato kita. O romasato, paaro'en Ningra i faloco' ita ko Fangcalay 'Adingo. O kacipinangan konini to nika o mamalahci ko nisowalan Ningra a ma^min.

O nika pades niyam i, o sakahinomaw namo, o saka'oripaw namo. O nika hinom niyam i, o sakafana' niyam a mihinom tamowanan a pa'icel ta, matiya o nipihadidi niyam to pades ko nika fana' namo a mihadidi.