Popular Bible Verses from 1 Korinto 6

Share

Caay ka fana' kamo saw to nika o loma' no Fangcalay 'Adingo ko tireng namo? O nipaflian no Kawas tamowanan a Fangcalay 'Adingo ko maro'ay i tamowanan. Saka, caayto ko no namo ko tireng namo. O no Kawasto ko tireng namo. O ni'acaanto no Kawas kamo. Orasaka, ka o tireng namo ko sapahmek to Kawas.

Caay ka fana' kamo saw to nika caay ko mamalafinawlan no Kitakit no Kawas ko tatiihay a tamdaw? Aka ka safana' kamo. O ma'amlasay a tamdaw, o mita'ongay to samiyay, o ma'odangay a tamdaw, o masasikalonaay a fa'inayan, o ma'otitay, o mitakaway, o ma'anofay, o malasangay no ^pah, o milokesay ato milihiway a tamdaw a ma^min i, caay ko mamalafinawlan no Kitakit no Kawas.

Liyasen ko ma'odangay a dmak. O kaciraraw no tamdaw to masamaamaanay i, caay ko tatirengan ningra ko makari'angay ningra. Nikawrira, o ma'odangay a tamdaw i, o miri'angay cingra to tireng ningra a pararaw.

O sowal no roma a tamdaw i, <<Ano o maanto a dmakan i, manga'ay kako a midmak,>> saan. Hai, nikawrira, caay ka ^min a malasakaci^poc iso ko dmak. Ano kakoto i, manga'ay kako a midmak to maamaan a dmak. Nikawrira, caay ko mamalakoli no maan aca a dmak kako.

O mipalowaday ko Kawas a pa'orip to Tapang nai patay. Malcad tonini ko 'icel Ningra a palowad titaanan a pa'orip nai patay.