Popular Bible Verses from 1 Korinto 15

Share

Orasaka, kaolahan ako a salikaka, katanektek a tomireng. Aka ka ngiyangi. Mafana' kamo to nika caay ko a awa ko ^poc no nikarorayan namo a matayal to no Tapang. Saka, kararid a misa'icel to tayal no Tapang.

Nikawrira, o kakansiyaen ko Kawas. Pakaynien Ningra i Tapang ita ci Yis Kristoan ko sapakalowid ita!

Aka ka sa'fit kamo. <<O pikihatiya namo to tatiihay a widang i, o sakalasawad no nga'ayay a pinangan no tireng.>>

Nikawrira, o sakamatini no mako i, o nano mikomi no Kawas. Caay ko nika awa no ^poc no mikomi no Kawas i takowanan. Mikikaka kako to romaroma a tarokos a maroray tona adihay ko tayal. Nikawrira, caay ka o kako ko midmakay tonini. Oya iraay i takowanan a mikomi no Kawas ko midmakay tonini.

Patayaw! I cowaay ko nika pakalowid iso saw? Patayaw! I cowaay ko cka no sawarak iso saw?>> sanay. O nai raraway ko cka no sawarak no patay. O nai Rikecay ko sakowan no raraw.

Pitngil. Pasowalen ako kamo to pakakmoday a sowal. Caay ko mama^min kita a mapatay. Itiya i saikoray a soni no la^pa to ccay a mlet, fahal asa kita a mafalic a ma^min. Ano masoni koya la^pa i, o mamapalowad a mapa'orip a malamida'ocay ko mapatayay a tamdaw. Itiyato a mafalic kita.

Pakayni i ccay a tamdaw ko sakaira no patay. Malcad tonini pakayni i ccay a tamdaw ko sakalomowad no mapatayay a ma'orip. Tona o tloc ni Atam ko tamdaw a ma^min saka, mapalcad i cingraan a mapatay ko tamdaw. Malcad tonini pakayni i nika laccay ita aci Kristo a mapalcad kita i Cingraan a lomowad a ma'orip nai patay.

Oya mamaponi' a mamapatay a tireng i, caay ka ^ca o mamafalic a malamida'ocay. Caayto ko mamapatay.

Nawhani o mamalamikowanay ci Kristo tahira i pilowidan no Kawas to 'ada a ma^min. Ta o mamihinokop ko 'ada i ka'ayaw ni Kristo. O saikoray a lalowiden Ningra a 'ada i, o patay.