Popular Bible Verses from rumiya 1

Share

gi gwune ḏare ḏate ḏapinyi gwan ŋuɽun ŋiŋir ŋeḏi yecu kɩrisṯo no, gi gwune ŋiro ŋɩma ŋeḏi elo gi ḏɩkədəḏɩnə ga gi liji wei lun ləmɩnyu; gi liju gwerre na gi ligrigi dino.

gi gwune ŋəṯulo ŋaŋinu ŋuɽuna ŋiŋir ŋeḏi elo gi ḏɩməṯo ḏun ḏibəḏəṯɩjo ḏɩməṯo, gi gwune ŋulinu, gwiji gwun gwidujɩnu gwiŋir gi jei ganu jeḏi elo gwəmɩḏe ḏɩməṯo ḏe.

gi gwune uro kaja gun geluge gɩḏilio, ŋuɽun ŋeḏi elo ŋun ŋate ŋaŋəḏɩlo liji no namɩni ŋaŋinu muma, na ŋilɩŋiḏɩnu kworo ganu gwun gwugelu na gwərru, na ŋeno ŋiro ŋɩma ŋuŋun gi gɩḏilio na ŋuɽun ŋuŋun wei ŋun ŋiŋirano kworo gweḏi liji. na dino late ləṯi ŋuɽuna ŋədi no

gi gwune ḏa lɩmalɩŋe eloŋu gwate malbuḏi gi elo no, na gwate gwaṯɩleico sukran no, nalmɩni ro jai gi ḏuməḏɩno ganu ḏagin, na dugwor dagin rimi ganu de diro jɩɽilo.

gi gwune luŋa lɩməbi ŋuɽuna ganu ŋun ŋiro gwerkwe ŋeḏi elo ŋɩwɩɽɩgal ŋe, nalorṯeḏa ŋɩdio ŋun ŋigelijɩlo elo naləpijo ŋɩru naliŋide ŋuŋu gwun gwugelo ŋɩdio wei, gwun gwaṯɩbuḏɩni gi gɩḏilio. gwerkwe.

gi gwune ḏɩɽeḏa ganu ḏeḏi elo ḏaŋinu uro kanyin ŋuɽun wei ŋeḏi liji ŋun ŋədu ŋeḏi elo ŋiro no, na ŋun ŋɩki, lun laṯɩkwoma ŋuɽuna ganu ŋun ŋiro gwerkwe gworo gwe gwun gwɩki.

na gwan ŋuɽun ŋeno lɩmal elo gele ŋuɽun ganu ŋun ŋɩki ŋeḏi jiŋɩno, na la lagin lɩməbi ŋuɽuna ganu ŋun ŋiḏəḏɩlo elo, gworo gwe gwun gwɩkiḏiḏɩlgwe, na ŋiro dino ləmɩnyo lɩmadonye ḏidujia ŋuɽuna gi la ḏun ḏigelɩlo elo na ḏɩbuḏə nanu ḏagin ḏun ḏɩki nalwɩwɩrlane kworo elo liro ləmɩnyo, nalgele ŋuɽuna ŋun ŋɩki gworki ləmɩnyo ləmɩnyo, nalape gi lulo lagin ḏakɩmiḏa ḏe ḏidujia ḏagin dun ḏɩdeleḏo. na gi gwune nate naləmɩnyi laməṯəḏə eloŋu gi ḏilɩŋeḏa ḏagin no, lɩmal elo ḏəḏə ŋadɩgɩɽenya ŋiro kaja ŋun ŋate ŋəṯi jei ganu no kani alɩduji ŋun ŋate ŋideleḏo no

naṯɩlarno lilɩŋeḏeno nalmɩni ro jɩɽilo, nalbi ḏoɽeḏa ḏeḏi elo gwun gwate gwaṯɩdigɩɽe no ŋɩdi ŋe ŋun ŋɩkədɩnu gi aŋɩnu yeḏi gwiji gwun gwaṯɩdigɩɽe, na nyiɽuwə, na ŋɩdi ŋun ŋəṯi ŋwara gwukwoɽo, na juŋə.