Popular Bible Verses from Tiiṯus 2

Share

Ŋinena niⓐma gwa Kalo gwimaŋini gwina gwimapa gilaŋuŋw gwan liji peth. Athijalimiye dilirini dhuŋuna dhina dhati dhiro dha Kalo no, a ŋidi ŋa gidhila ŋina ŋathamira aŋina yega, almidhe aluthi ŋadigirenya ŋina ŋiŋir, aluthi dhuŋuna dhina dhiŋir, albur nono kidhila gina go ŋinena

aldhunijo dhunijuŋw gwina gwuthi baraka, a aŋini gwa majdh gwa Kalo gega gina ginaŋ a Mukhallis̱ gwina gwan Yasuuⓐ al Masiiẖ; gwina gwidhedhije aŋina yuŋun, diji bibre gi ŋidi peth ŋina ŋike, a diji juriye gwan ŋeda lina liro liji luŋun lina lirujuŋwulo ter, lina libupo ŋiro ŋina ŋiŋir gwuleny.

Gi ŋidi peth aŋiyo gwidom gwuŋa duŋwuro s̱uura gwa ŋiro ŋina ŋiŋir, a gi taⓐliim dhuŋa dhina dhiŋir a ireye je galo momaŋ a abiŋi gwuŋa gwina gwiŋir, a dhuŋun dhina dhiro titiganu dhina dhati dhuthi akiminuŋw no; di gwina gwathirini dhuŋuna uthi dhara, dathuŋw uthi dhuŋuna dhina dhike duŋw abiŋa dega no.