Popular Bible Verses from Qalaaṯiiya 6

Share

Athijabrico dimule nono gi ŋiro ŋina ŋiŋir no; ŋinena adhilaji aluni gi ŋwamun ibiŋwe ŋwina ŋwaudhi, ada alŋa lati limamule nono gi dugor ganu dega no.

Gwiro ŋinena uthanana lamun lina laudhi ladhupijo lijo peth ŋiro ŋina ŋiŋir, abricije alupijo lijo peth ŋiro ŋina ŋiŋir, a gwuleny gi liji lina liro la dunu gwa imaan.

Apaijiyul gweta gweta ŋida ŋina ŋinaŋ dagalo ganu, a minoŋ meajul naamuus gwa al Masiiẖ.

Athanya ukejinu ganu no; kwiji gwati gwuthi ŋoma gwake Kaloŋa juma no. A gwina gwathi kwiji kwoi, gwaji gwuŋwuni ko.

Ŋinena gwina gwathikwoi gi dhuŋun dhina dhathi aŋinu yuŋun bupe, gwaji gwuni gi dhuŋun dha aŋinu ina idigiro; abi gwina gwathikwoi gi dhuŋun dha Dhigirim, gwaji gwuni gi dhuŋun dha Dhigirim midhuŋw gwina gwathije gwortal.

Limega lai, ada kwiji gweta gwimabujini dapai dhuŋuna dhina dhike, nyaŋa lina liro la Dhigirim iŋiriyul kwijo ibigwa dhugore dhigirim dhai dhina dhirujini dhitiny; ŋadaŋani gi gwidom gwuŋa dathaŋa idhejinu ŋa ko no.

Ada kwiji gweta gwimathije darnu gwipa, a ŋeda gwati gwiro kwiji gwina gwipa no, a ŋeda gwathukinejo gwidom ganu gwuŋun. Abi abricul gweta gweta duŋwidheje ŋiro ŋuŋun, a minoŋ gwaji gwuthi aruŋw ŋamilai gi gwidom gwuŋun dogo, a gwati gi kwiji gwiter no. Ŋinena adhi kwiji gweta gweta aji ŋwapai ŋida ŋuŋun ŋina ŋinaŋ gi gwidom gwuŋun.