Popular Bible Verses from Afasus 6

Share

Alŋa lati labubile aŋinu yai a ŋin ŋai dogo no, albibubile liji lai lina luthi ŋelenya, a ŋoma ŋai, a leleny lai la gidhila ibiga gina girimu ganu, a digirim dai dina dike gi kidhila ga Sama.

Nyabiŋaijo Kaloŋa ŋwamun peth, nyothaije galo gi Dhigirim, nyethadhini galo gi dhuŋun ibidhe ŋoma ŋai ŋalo ŋwamun peth gi liji peth lina liŋir didirel.

Genul ciraŋa peth ja Kalo jina jiro carthuŋw, danya uthi ŋoma dijarmanijo ŋwujimiya ŋa Ibliis.

A minoŋ genul ciraŋa peth ja Kalo jina jiro carthuŋw, danya uthi ŋoma dijarimani gi lamun lina lal ŋidi ŋina ŋike ila, a manya meaje ŋida peth danya dhuna momaŋ.

A ko, apul lura la imaan, danya uthi ŋoma nyarinyinijo ŋwupire peth ŋwa Sheṯaan ŋwina ŋwuthi iga. A nyapai burneta gwa gilaŋ, a kalala ga Dhigirim, gina giro dhuŋun dha Kalo.

A minoŋ dhunudhul, nya gena gash gi liriny gina giro dhuŋun dhina dhiro titiganu, a nya gena kiraŋa gina giro carthuŋw gi jabaŋ ga dhuŋun dhina dhiŋir. A nya gena caudhe ŋwora ŋwalo, nyaje momaŋ gi Dhuŋun dhina Dhiŋir dhina dhathapai audhaijiyuŋw galo.

Dhuŋun dhina dhiro gidon, limaguri lai, biriyul nono di Kweleny a gi ŋoma ŋuŋun ŋina ŋibur.

Nejo babuŋw gwuŋa a nana gwuŋa; dhuŋun ibidha dhiro lira gi dhuŋun dha naamuus dhina dharuŋwdhai; danya iŋir dugore, a ŋwamun ŋwalo ŋwaji ŋwola ganu kidhila.

Keleŋa gai, uthejul baboŋaije nana ŋalai lalo nyuni gi Kweleny; dhuŋun ibidha dhiŋir.