Popular Bible Verses from 2 Tasaaluuniika 2

Share

Athanya abrico kwijo gweda daji ukinejo ganu dhuŋun dhai dheda no, ŋinena lamun ibile laji lila, abi ada ide gwimaje kwereny, a kwiji gwina gwapo ŋida ŋina ŋike gwaji gwaŋini, gwina gwiro ŋari ŋadhi rinyini

Abi aram anaŋa lathaici Kaloŋa shukran ŋwamun peth gwan nyaŋa, limega lai lina luminyinu di Kweleny, ŋinena Kalo gimajuthe ganu ro kwerkwereny di gilaŋ jure gwai gwa Dhigirim a uminyi gwa dhuŋun dhina dhiro titiganu.

gwina gwathapiye ŋiro ganu a ŋwubiŋiye gwidom gwuŋun gi ŋidi peth alaŋ ŋina ŋuthi jiriny jan Kalo, i ŋina ŋimuŋw idijo ŋwurko ŋwai; a minoŋ gweta gwina gwaro ŋinena Kalo a gwathijalo gi hekal gwa Kalo, athuŋwaŋini ŋeda gwiro Kalo.

A Kweleny gwega gwina gwan Yasuuⓐ al Masiiẖ, a Kalo gina giro Babo, gwina gwuminyije, a jidhedha gathajuŋw uwa gwina gwathije gwortal a dhunijo gwina gwiŋir niⓐma gwai, gathaje dugore dalo uwa, a jimuthini galo gi dhuŋun peth dhina dhiŋir a ŋiro peth ŋina ŋiŋir.

A gi dhuŋun ibidha Kalo gaji gukeja degen dhuŋuna dhina dhiro ŋidhuŋun, diluminyi ŋidhuŋinaŋa.

Gwina gwaji gwila gidon ma Sheṯaan apai ŋiro ŋoma ŋai peth a ŋiro ŋina ŋipiŋipa a ŋiro ŋina ŋathalije lijo galo dir ŋina ŋiro ŋidhuŋun, a ukinejini gwai ganu peth gwa dhuŋun dhina dhati dhiŋir degen no lina lathirinini; ŋinena lati lapo uminyuŋw gwa dhuŋun dhina dhiro titiganu, diluthi ŋoma digilaŋini gi dhuŋun ibidha no.

Ŋinena dhuŋun dhina dhigilibicinu dha ŋidi ŋina ŋike dhathapai ŋiro ŋinena, abi gwina gwuminyi duŋw apai dhuŋuna ibidha gwuthi ŋoma duŋw audhie gi dhai.