Popular Bible Verses from Pfong Ka̱za 8

Share

Ka̱ram ka A̱truk u na̱n kruk hatimi a̱mba̱tiyring u ni, Tazwa ji yen tyyi ba̱ nyong har si tat minti nswak ntat.

A̱pfong Ka̱za ka̱son nu a̱ tyyak digba nu ti, ditaat bu rong nkyyai bu ba̱sok n nwa zzwam ka̱yat ka̱sa ka, ka̱sak ka̱yring ka̱yat a̱tat a̱nying ka̱sa ka a̱ hwwi, ka̱sak ka̱yring ka̱yat a̱tat i na̱kon a̱ hwwi, a̱shrim ba̱pyyi nu a̱ hwwi sa̱rei.

N cyang n dyi a̱godo nu a̱ hwwut ntazwa ni, na̱ hywa, “Woyooi! Ka̱bvung a̱ ba. Ku wu ni ri-ryi nani bu sa̱rei ba̱nyet ka̱sa ba ka̱ram ka ban tyyak a̱gba ni, a̱naani kpikpit ba̱pfong Ka̱za ba̱tat a ba ni tyyak ba̱nyying i!”

Wwon a̱pfong Ka̱za a̱mba̱hwa nu a̱ ma̱n tyyak digba nu ti. Kyang yaan i wruk di dihwan ti ya rong ni si kpa i kei ti. Ka̱sak ka̱yring ka̱yat a̱tat a̱nying ba̱shekwot ka a̱ brak a̱ tyyi ba̱sok.

Wwon a̱pfong Ka̱za a̱mba̱tat a̱ ma̱n tyyak digba nu ti. A̱gba̱dang ka̱ta̱ngwat a̱ wruk nyyai ntazwa, a̱ ya rong di diwuk i, a̱ bu kpa ka̱sak ka̱yring ka̱yat a̱tat a̱nying ncen nu bu nrang ba̱shekwot a. Ba yei ka̱ta̱ngwat iya A̱cwai, rot ka yin tyyi ka̱sak ka̱yring tazwa a̱tat ba̱shekwot ka a̱ tyyi cwai, ba̱nyet ba̱gingang a̱ sswa a̱ ma̱n kwi.

Wwon a̱pfong Ka̱za a̱mba̱naai u a̱ ma̱n tyyak digba nu ti. Ka̱sak ka̱yring tazwa a̱tat nom u ba ka̱ zzu; ka̱sak ka̱yring tazwa a̱tat nhywan nu bu ka̱sak ka̱yring a̱nying na̱ta̱ngwat u ba ba̱ zzu, rot a̱yring tazwa a̱tat a̱ ga ryin sai nu na. Ka̱ram ka̱yring tazwa a̱tat nom u bu a̱yring tazwa a̱tat ka̱tuk u ban dyin ka̱bvwa sai ka ni.