Popular Bible Verses from 1 Bitut 4

Share

A̱gba̱dang kyang u nu a̱ yet: yi ya gwai ba̱t, rot cat a na cii kozan a̱ka̱tukyya.

Ka̱za a̱ ka̱n wrak kozan a̱neyring nyin za̱nang ji bvwon ba̱nying koyan ni; se koyan a̱n yya pfong a̱n brang ba̱yanyet yi bu wrak ba̱yaan ka̱nu-a̱tan Ka̱za nu ba̱ zi ntaka̱i.

Koyan a̱ yya wa'azi, na̱ yya wa'azi ba̱ryat Ka̱za. A̱ntyok yya pfong, na̱ yya di cet a Ka̱za ka ku ryi ni; rot a̱mi ka̱yat kozan kyang ba ga dyep Ka̱za ka̱yat diyrek Yesu Kristi. Nka a̱mi a̱ byyi shii bu cet sa̱rei har a̱ba̱da, amin.

Ma ki yi sswa ka̱bvung rot yi yet ba̱nyet tssup, kyang sum n shyi ka̱yat ba; seko yi dyep Ka̱za rot ba ya yei i diyrek Yesu.

A̱ngbom kozan nkyang a̱ byya shishrek. Se yi ya cam, i breng a̱ccu nyin ansham, ka̱sak ka yi nin maai yya a̱duwa ni.

Ba̱wumbeyang, yi ryok yya ka̱hat ka̱bvung ji yi sswa i ka̱me ka ni ba. Yi ryok kpo sook da̱ a̱hwai nkyang a̱mi a̱ ya shya ni ba. Seko yi gwai yin sswa ka̱bvung ka Kristi na̱ ka̱n sswa ni; rot yi gi bu shya kyang gwai ka̱ram ka na̱n tyyei shii nu na ni.

Yi ssang ba̱yaan i na̱sa nyin, ba ba̱ a̱dyying ba.

Rot a̱mi, ba̱nyet ba Ka̱za ka ryi ku myim ba sswa ka̱bvung ni, se ba wwon a̱ccu mba mbvak Ka̱za ka a̱ ba̱ yya ni, a̱tuba nu a̱ na sseng i ba̱ryat nu ni.

Da̱ni di Yesu na̱ ka̱n sswa ka̱bvung ka̱yat rwam nu ni, a̱mi meyang se yi ma̱n sook taka̱i a̱huhwa iya. Rot a̱yin nu a̱ sswa ka̱bvung ka̱yat rwam ni, to, a̱ bo ssop diccu nu a a̱ka̱tukyya ba. Rot a̱mi se yi sook nyyai naanini i swat kpikpit sucet nyin na i ka̱sa ka da̱ni di Ka̱za kan cat i, ba nkyang a ndwam nyin na cat yya ni ba.

Ki ba̱nyet a̱ ya pfwei rot yi yet ba̱nyet tssup Yesu yi gwai, rot Tswa Ka̱za ji byyi shii ni nji swat ka̱yat ndya nyin.