Popular Bible Verses from 1 Korinti 12

Share

Kozan a̱yin Ka̱za a̱ ku nang za̱nang nTswa ji, rot koyan a̱ ga brang ba̱nyet tssup ba̱yaan.

Naanini sa̱rei nyin yi tung i yet rwam Yesu na; koyan a̱ yet kap yring.

Ki kap yring shyi i sswa ka̱bvung, sa̱rei nkap a na san dikwu ti hok, ki ba ma̱n dyep kap yring, sa̱rei nkap a na hok ansham.

Tswa ji na wrak a̱yanyet ba̱ryat a̱za̱ncyi; a̱yanyet bu Tswa jring iya zi ku ryi ba̱ryat bvwo. A̱yanyet a̱ byyi za̱nang tyyi rya, a̱yanyet meyang za̱nang creng nhywu bu di Tswa jring iya; a̱yanyet a̱ byyi za̱nang yya nkyang ka̱hat, a̱yanyet za̱nang ssang ba̱ryat Ka̱za tyyei, a̱yanyet za̱nang ghai Tswa Ka̱za ba̱ a̱ka̱tuk ntswa; a̱yanyet a̱ byyi za̱nang ryat a a̱riryem ba̱gingang, a̱yanyet za̱nang bvan a̱riryem.

Sa̱rei za̱nang jini Tswa jring a̱mi ka, i bu ka koyan ka̱sak ka zin cat i.

rwam a gi yet yring, nkap a i shyi ba̱cicrak, i bu ya brang.

Za̱nang ji Tswa Ka̱za zi wwat i shii ka̱tswa, ma bu Tswa jring nji wwat. Mpfong i bun shyi ba̱zi ntaka̱i, ma A̱gwam a̱yring zi ku yya mi. Ncet pfong a bvwon, ma Ka̱za ka̱yring a̱mi a̱ wwat koyan cet pfong a.

Ka̱yat ba̱nyet tssup ka Ka̱za a̱ tason a̱n tyyi ba̱nyet yya wa'azi; ba̱nyet ba a̱n tssup i mba a̱ yet ba̱nyet ssang pfong Ka̱za a̱ tyyei; ba̱nyet ba a̱n sak i ba̱nyet zzek. Kpikpit a mba a̱ yet ba̱nyet yya nkyang ka̱hat, bu ba̱nyet ba a̱ byyi za̱nang creng ba̱nyet i, bu ba̱nyet pfong dizot, bu ba̱nyet breng ba̱nyet tssup, bu ba̱nyet ba a̱ byyi za̱nang ryat a̱riryem ba̱gingang ni.

Rwam a byyi bu kap yring ba. Nkap n shyi ba̱gingang.

Ku ryi a̱mi ba. Zin yya kyang n sang nkap iya zi ryi na sang cet a ni ba.

Rwam a sa̱rei si bu yet dissi, ku yya ni n pfong? Ko ku si bu yet pfwo sa̱rei, ku yya ni n pfong swam a? Ma da̱ni di Ka̱za kan yya rwam a ni, a̱n tyei nkap a ka̱sak ka kan dyi dama ni. Ku si bu yet bu kyang yring, kun yet rwam ba