Popular Bible Verses from Mateus 18

Share

orondu vevari poo vetatu tji va worongana mena randje, ami omunga ambi ri mokati kawo.”

“Memu raere rukwao: Aruhe vevari veṋu kombandehi tji va zuvasana otjiṋa ngamwa tji mave kumbire, Tate meyuru meve tjitire

Jesus opa isanena okanatje, e ke kuramisa mokati kawo, na tja: “Tjiri, me mu raere, tji mu hi nokurunduruka amu sana kounatje, kamaamu hiti mouhona womayuru.

Omunenenene mouhona womayuru eye ngwi ngu me risusuparisa omuini na sana kokanatje nga.

Nu ngu ma sekirisa okanatje otja inga mena randje, eye ma sekirisa ami.

“Tjiri, memu raere ouatjiri: Atjihe tji mamu tjaere kombanda yehi otjinga ama tji tjaerwa meyuru, natjihe tji mamu yandjere kombanda yehi otjinga ama tji yandjerwa meyuru.

Nu Jesus wa yandisa ehungi re a tja: “Tate meyuru otjinga ama tjiti nao ku eṋe amuhe, indu auhe weṋu tje hi nokuisira omukwao nomutima we auhe.”

“Nu auhe ngu ma putarisa umwe wa imba ouṱiṱi mba mba kambura mu ami, atja rira kokuwa tjinene ku ye, ewe enene rotjikweyero tji ra kutwa mosengo ye, nu a ṱomwinisiwa mourekoto womeva kokuvare.

“Nu mamu ripura vi komundu ngu nozonḓu esere rimwe na pandjarisa imwe yazo kutja ma tjiti vi? Eye ma isa inḓa omirongo muvyu na muvyu momaryo wozondundu na kateza indji ndja pandjara.