Popular Bible Verses from Mateus 16

Share

Tjazumba Jesus a tja kovahongewa ve: “Auhe ngu ma vanga okundjikongorera, nge rizembe omuini, a toore otjikoroise tje, nu e ndji kongorere.

Nopu me ku raerere kutja oove Petrus, okutja oruuwa, nu kombanda yoruuwa ndwi ami me tungu ko okereka yandje, nomasa wotjovasengwa kamaaye i uru ko.

Ami me ku pe otjipaturure tjouhona womayuru; nu atjihe tji mo pata kombanda yehi otjinga ama tji patwa meyuru; natjihe tji mo paturura kombanda yehi otjinga ama tji patururwa meyuru.”

Orondu ingwi ngu ma vanga okuhupisa omuinyo we omuini me u pandjarisa; nungwari ngu ma pandjarisire ami omuinyo we, eye me u hupisa.

Pe nombatero yatjike omundu okukara noviṋa avihe mouye auhe, nu a pandjarisa omuinyo we? Kako! Eye ke notjiṋa tji ma yandja okumunina po omuinyo we.

Nu Jesus we ve purire a tja: “Neṋe mu tja ami owami uṋe?” Simon Petrus arire tja ziri a tja: “Oove Omutwirisiwa, Omuna wa Ndjambi omunamuinyo.”

Jesus a ziri a tja: “Oove omuṋingandu, Simon, omuna wa Johanes! Orondu kamundu wonyama nombinḓu ngwe ku vandururire ouatjiri mbwi, nungwari oTate ngu ri meyuru.