Popular Bible Verses from Mateus 14

Share

Nungwari tja muna otjivepo otjinamasa, arire tja tira na utu okuṱomwina momeva; eye wa ravaera a tja: “Muhona ndji vatera!” Tjimanga Jesus wa roporora okuoko kwe e mu kambura na tja: “Ove, munangamburiro okaṱiṱi, wa ivaivire tjike?”

Nungwari tja muna otjivepo otjinamasa, arire tja tira na utu okuṱomwina momeva; eye wa ravaera a tja: “Muhona ndji vatera!”

Jesus wa hungira ku wo tjimanga na tja: “Yanḓipareye! Owami! Amu tira!”

Petrus arire tja hungire a tja: “Muhona, tjinangara tjiri oove, ndji raera mbi ye kove ame wondjo kombanda yomeva.” Jesus wa zirire a tja: “Indjo!” Petrus opa herukira mokayaha na ka wondja kombanda yomeva okuyenda ku Jesus.

Nu imba mba ri mokayaha ve rikotamena ku Jesus ave tja: “Tjiri, oove Omuna wa Ndjambi!”

Jesus wa zira a tja: “Owo kave nokuhepa okuyenda, eṋe oveni ve pee oukurya ve rye!” Owo va zirire ave tja: “Mbi tu na vyo mba ozomboroto ndano ozombomba nozohi mbari.”

Jesus arire tja tja: “Ze eteye nguno ku ami.” Eye wa rakiza ovandu kutja ve kare pehi kombanda yehozu; okuzambo arire tja toora inḓa ozomboroto ndano ozombomba nozohi mbari, a tara keyuru, e ze sere ondaya. Eye wa koyora ozomboroto nu e ze yandja kovahongewa ve kutja ve ze haṋe movandu.

Novandu avehe va rya nave kuta. Tjazumba ovahongewa ave wongo outekero wozomboroto nowozohi mbwa hupire po nave urisa na wo ovimbamba omurongo na vivari.