Popular Bible Verses from 2 Ovatesalonika 2

Share

Amu wovisiwa i omundu momuhingo kangamwa auhe. Eyuva ra Muhona kamaari ya, ovandu ovengi ngunda ave hiya poka ku Ndjambi nu ingwi umwe Omurunde ngwa ṱuninwa otjovasengwa ngunda e hiye ya.

Vakwetu, eṱe matu sokumutjera okuhepa aruhe ku Ndjambi. Muhona we mu suvera, nu Ndjambi we mu toororera okurira ovatenga mbu mamu yamwa. Eṋe mwa yamwa i omasa wOmbepo kutja mu rire otjiwaṋa otjiyapuke tja Ndjambi, nu wina mwa yamenwa mokukambura mouatjiri.

Eye ma pirukire ngamwa atjihe tji ku za oNdjambi poo tji tja yozikwa otja otjiyapuke nu e ritongamisa kombanda yaimbi avihe. Eye ma kakara pehi nangarire mondjuwo ya Ndjambi ne keritja oNdjambi.

Muhona wetu Jesus Kristus omuini na Ndjambi Tate ngwe tu suvera motjari tje nu ngu tu yanḓiparisa nokuhaisa, nu ngu tu pa omaundjiro omazikame, nge mu yanḓiparise nu e mu zeuparise kutja aruhe mu tjite nu mu hungire imbi mbi ri oviwa.

Ndjambi opa zokuhinda omasa womapukisiro, ye ungure mu wo kokutja owo ve kambure movizeze.

Nu ingwi Omurunde ma tukuruka momasa wa Satan, nu ma tjiti ovirasiro pekepeke novihimise ngamwa avihe, nu ma wovisa imba mbu mave pandjara nomapukisiro ngamwa aehe omahasemba. Owo mave pandjara tjinga ave ha suverere ouatjiri nave he u yakuririre ondjamo yawo.

Omasa wourunde yauta rukuru okuungura mongumumu. Nomasa nga ma e ungura mongumumu nga ingwi ngu ye tjaera tja isiwa mo mondjira.