Popular Bible Verses from 1 Ovakorinte 9

Share

Omurarakane ngamwa auhe u ritjaera koviṋa ngamwa avihe. Eye nao u tjitira kutja a kamune oruzenga rwondoṋeno ndu ha karerere, nungwari eṱe tu rarakanena oruzenga ndu karerera. Ami opu me zu okutupuka otja omundu ngu ma tupuka okuvaza omukoka womaandero wotjikara; nami hi ri otja omutone wozongomi ngu ma tono mombepo uriri.

Ami mbi tona orutu rwandje ru tindire, nu mbi ru ete kehi youkarere wandje, kokutja tji mba zu nokuisanena varwe kotjirarakaneno, ami omuini e ha isiwa mo.

Eṋe, tjiri, mamu tjiwa nawa kutja motjirarakaneno mu tupuka ovararakane ovengi. Nungwari ingwi ngu toṋa ihi otjihuze, eye u rira umwe uriri. Nu komuhingo mbwi tupukeye kokutja mu toṋe ihi otjihuze!

Tji me ungura mokati kaimba mbe ri ovingundi mongamburiro, mbi ritjinda otja ngu mbi ri otjingundi otja wo, kokutja mbi munine po imba ovingundi. Ku avehe ami mba rira oviṋa avihe, kokutja mbi yame nangarire tjiva.