Popular Bible Verses from 1 Ovakorinte 15

Share

Nu vakwetu ovasuverwa, otji mamu sokuzikama nokuhinokuteratera. Nu aruhe ungurireye Muhona nokuhaurwa, tjinga amamu tjiwa kutja ongondjero yeṋu motjiungura tja Ndjambi oyo kamungandjo.

Nungwari eṱe matu tja okuhepa ku Ndjambi ngu tu pa outoṋi mu Muhona wetu Jesus Kristus!

Amu pukisiwa! “Otjikaro tjovandu ovavi tji zunḓa omihingo omiwa.”

Nungwari motjari tja Ndjambi ami mba tjitwa otja tjinga ambi ri nai, notjari eye tje ndji pa, katja ri omungandjo. Nu kombunda yanao ami mba ungura tjinene komeho okukapita ovaapostele ovakwetu avehe, nu ka ri ousore wandje omuini, nungwari a ri otjari tja Ndjambi tji tja ungura mu ami.

“Nḓiro, outoṋi woye u ri pi? Nḓiro, omasa woye wokuzepa ye ri pi?” Omasa wonḓiro wokuzepa ye za mourunde, nourunde u isa omasa wawo mOmatwako.

Tareye, ami me mu tjivisa omaundikiro nga: Eṱe atuhe katu nakuṱa, nungwari atuhe matu tjitukisiwa. Ihi matji tjitwa pohiva osenina tjimanga mombapaiziro yeho, orondu ohiva mai pose, novaṱi otji mave pendurwa otja ovahaṱa, neṱe mbu matu vazewa nomuinyo matu tjitukisiwa.

Notja onḓiro punga aya etwa i omundu, ombendukiro yovakoke wina opunga amai etwa i omundu. Notja ovandu avehe punga amave ṱu motjimbe tjokutja va za mu Adam, avehe opunga amave pendurwa movakoke motjimbe tja Kristus.

Orondu orutu ndwi oruṱe maru tjitukisiwa okurira indwi oruhaṱa, nu indwi ndu koka maru tjitukisiwa okurira indwi ndu ha koka.

Orondu Kristus u sokuhonapara nga Ndjambi tja twa ovanavita na ye avehe kehi yozombaze za Kristus. Nomunavita omusenina ngu sokuyandekwa, oyo ndji onḓiro.