Popular Bible Verses from 1 Ovakorinte 11

Share

Nu momuhingo tjingewo kombunda yokurya, eye wa toora otjinwino na tja: “Otjinwino hi otjo omerikutiropamwe omape wa Ndjambi nga tuwa ko otjihako nombinḓu yandje. Aruhe tji mamu tji nu, tjiteye nai kokuzemburuka ami.” Ihi matji hee kutja aruhe tji mamu ri omboroto ndji namu nu motjinwino hi, mamu zuvarisa onḓiro ya Muhona nga eye tji ma kotoka.

Ami mba pewa i Muhona inga omahongero ngu mbe mu honga: Kutja Muhona Jesus mouṱuku ma rondorwa, eye wa toora omboroto, a tja okuhepa ku Ndjambi, e i koyora na tja: “Ihi otjo orutu rwandje ndu maru yandjerwa eṋe. Ihi tji tjiteye kokundjizemburukirako.”

Omundu auhe opu ma sokurikonḓonona omuini rutenga, nu tjazumba a ri komboroto ndji nu a nu kotjinwino hi. Orondu ingwi ngu ma ri na nu e hi nokutjiwa katjotjiri kutja indwi orutu rwa Muhona, eye me riyetere omuini ombanguriro, tji ma ri nokunwa.

Auhe ngu ma ri omboroto ndji na nu otjinwino tja Muhona momuhingo mbu ha sere, eye ma tura ondjo korutu na kombinḓu ya Muhona.

Horereye ku ami, ami otja punga ambi horera ku Kristus!