Popular Bible Verses from प्रकास 7

Share

कालाउ न्हुसो, का इन्ता वथे बार्का द्‍याङको जेर तिङघा कालाउ हासु बुङ इङको गोताङहेङ गान्दिलि मादोघाहि। इम्बालाइ सुमिङको गोताङ जाति कुल, रास्ट, कालाउ गोताङ भासासो लोका हिघाहि। इम्बालाइ सिङहासन कालाउ थुमाको आगाता जाअ्हि। इम्बालाइ जे:का धाबा लागाइका हिघाहि, कालाउ गोताङ द्‍याङगेलाइ ताइको खुरता लाब्रा सिङको डालेङ चाअ्का हिघाहि, जेदोङ इङको साम्मानको चिन्हाको रुपता हिघाहि।

इम्बालाइ तिराराइका बारका गालाहोइ ह्रिकाइहि, “सिङहासनता बिराजमान हिका केलाइको परमेस्वरहेङ बाखानाइ ज्याको कालाउ थुमाहेङ बाखानाइ ज्याको। नाअ् दोङ इम्बालाइ झाराङहेङ मुक्ति पिखेना।”

हाइपालिपानु सिङहासनको माझाता हिका थुमा, वा इम्बालाइहेङ सामाराइयाङ, जेसाङ लाखुरिया ताइको भेडाहेङ चापाखे-आम्पाखे। वा इम्बालाइहेङ ताजा चि आम्पालि चुम्पुखे जेदोङहोइ द्‍याङगेलाइहेङ जिबन प्यावा। कालाउ परमेस्वर इम्बालाइको मिसियाँको गोताङ मितिगेलाइ योप्यावा।”

ओदोङ भाअ्सिङ इम्बालाइ परमेस्वरको सिङहासनको आगाता जाअ्खे, इम्बालाइ पुरा सोमोइ परमेस्वरको मुन्दिरता वाको सेवा पाखे, कालाउ सिङहासनता बिराजमान हिका इम्बालाइहेङ सामाराइखे हाइपालिपानु वा इम्बालाइ दोफा हिखे। इम्बालाइ हेलाउ बुङ माम्हितुताङ कालाउ चि-आम्लि माकिताङ, इम्बालाइहेङ एलासो सान्हे माकुनु हिदोइ बुङ धाङका आमेनेहोइ हेलाउ बुङ मा-ओपाङ।

“केलाइ केलाइको परमेस्वरको बान्धाइतिगेलाइको कापालता मोहोर मालागाइपा धाउ माहामारि वासेहेङ हान्ति मापाको, इङको सोमोइसो प्रिथिबि, समुन्द्र माकुनु सिङगेलाइहेङ हाइ दोङ मानासापा।” जेलाउ स्वर्गदुतगेलाइ मोहोर लागाइलि दोपातेङ, हासु बुङ कासेहेङ दोअ्हि कि उङको द्‍याङगेलाइको जाइको कापालता स्वर्गदुतगेलाइ परमेस्वरको दागाइका चिन्हा हिघाहि इम्बालाइको सङख्या ए-लाख न्हे कुरि द्‍या हाजार हिघाहि। उङको द्‍याङगेलाइ इस्राएलको गोताङ तेन्हे कुलसो लोका हिघाहि।