Popular Bible Verses from हिब्रु 5

Share

कालाउ जाराउका चाका-आम्का चाहि खाङधुरिता बल्लियाका द्‍याङको भाअ्सिङ दोङ हि, वाते रेम्का-मारेम्का काथा लाअ्पालि दोका तालिम निङलि दोका हिखे।

एला थेकापा ते नेलाइ आरुगेलाइहेङ धिरपालि दोका जेङलि गोइधास्वाना, कालाउ नेलाइ एला थेकापा बुङ परमेस्वरको बचनको बारेता आधारभुत काथा थाहा मान्थुनाङ आरु हासु बुङ धिरपालि गोइखे। जाराउका चाका-आम्का आमेने खान्तेङ आझाइ भरु नेलाइहेङ जामाल भाइपा दुधे गोइखे। दुधे खिनिङ आम्तेङ बान्चिका द्‍याङ चाहि, धार्मिक जिबन जियाइका सिक्स्याता, निपुन मान्थुखे, हाइपालिपानु उङको जामाल दोङ हिखे।

परमेस्वरकोङ चान जेङतेङ बुङ ताइमि भोगिका दुख-कस्टसो वा परमेस्वरको आग्या किलि धिरहि। परमेस्वर येसुहेङ मल्किसेदेक प्राधान पुजारिको लाहारिपा साम्मान पिहि। कालाउ जेलाउ येसु पुराङ सिद्द जेङहि वाको आग्या किका झाराङको भाअ्सिङ वा आनान्तको मुक्तिको मुलि जेङहि।

जेलाउ येसु ख्रिस्ट सुमिङता हिलाउ वा ताइको सारिरिक जिबनता ताइमिहेङ सिकालाइसो बान्चिपालि दोका परमेस्वर दोफा खार्काताङ मिति ह्यापातेङ बिन्ति कालाउ प्रार्थाना पाहि, कालाउ वाको मोनोइ कालाउ भक्तिको कारनहोइ दोङ परमेस्वर वाको प्रार्थाना हिङहि।