Popular Bible Verses from हिब्रु 1

Share

वा दोङ परमेस्वरको महिमाको रुप कालाउ वा दोङ परमेस्वरकोङ स्वभाबको जातिङकोङ प्रति रुप हि, कालाउ गोताङ सुमिङहेङ ताइको सरबुङसाइका बचनहोइ सामाराइखे। कालाउ वा दोङ द्‍याङगेलाइहेङ ओबालाइको पापगेलाइसो स्यामा पापाका काम पालि दोतेङ वा स्वर्गता परमेस्वरको महिमाको दाम्पाहा खुर भारि झाउका साम्मानको थामेता योम्हि।

प्राचिन सोमोइसोङ केलाइको पुर्खागेलाइ दोफा परमेस्वर ताइको बक्तागेलाइ पाहासो हेन्जाङखे भेनेङ-भेनेङ तरिकाहोइ परमेस्वर नुइ धुइहि। कालाउ इदोइ आखिरि दिनागेलाइता वा ताइको चान पाहासो केलाइ दोफा नुइ धुइका हि। वा ताइको चान पाहासो दोङ या गोताङ सुमिङ बानाइहि, कालाउ वा ताइको चानहेङ इदोइ गोताङ काथाको उत्तराधिकारि बानाइहि।

कालाउ स्वर्गदुतगेलाइको उदेस्य हाइ कुनु? इम्बालाइ परमेस्वरको सेवा पाका खिनिङ हि। परमेस्वर इम्बालाइहेङ मुक्ति निङलि हानिका द्‍याङगेलाइहेङ साघाइलि दिङगिल पिहि।

धर्मसास्तरता एसापा लेखेका हि, हे प्रभु, लाम्फोरति नाअ् प्रिथिबि सिरजाइन्हा, कालाउ आकासता हिका गोताङ आमेने नाअ् दोङ बानाइना। इङकोगेलाइते गोताङ नासातेङ हानाङ, कालाउ नाअ् चाहि जेलाउलाउको भाअ्सिङ जियाइतेङ ह्याना। कालाउ इम्बालाइ धाबा भाइपाङ पुर्ना जेनावा।