Popular Bible Verses from गलाति 3

Share

कालाउ व्यवस्था मामानिनाङ लोका सारापसो ख्रिस्ट केलाइहेङ लाअ्पाहि। जेलाउ येसु ख्रिस्ट क्रुस्टता सिहि, कालाउ वा केलाइको पापगेलाइको स्राप ताइमि ह्रुता ह्रुहि। हाइपालिपानु धर्मसास्तरता लेखेका हि, “जेदोङ द्‍याङ क्रुस्टता सिखे उङको स्रापित दोङ हि।”

ओदोङ भाअ्सिङ एला येसु ख्रिस्टता यहुदि कालाउ गैर-यहुदि, बान्धाइति कालाउ लाअ्न्हाका द्‍याङको माझाता हिदोइ बुङ फरक मान्थु। कालाउ वाबाल कालाउ बेबालता बुङ हिदोइ बुङ फरक मान्थु। हाइपालिपानु येसु ख्रिस्टता केलाइ झाराङ ए-सामान हिनाहि।

जेसापा नेलाइ ख्रिस्टता हिसुना पानुते नेलाइ जातिङकोङ आब्राहामको सान्तान हिसुन्हा, कालाउ वाको होक वाला हिसुन्हा कालाउ परमेस्वर आब्राहामहेङ प्याङका दोअ्का बाचा नेलाइ बुङ निङस्वाना।

येसु ख्रिस्ट इसिका पाहि, कालाउकि परमेस्वर आब्राहामहेङ पिका आसिस येसु ख्रिस्ट पाहासो गैर-यहुदिगेलाइ बुङ निनाको, कालाउ केलाइको खाङधुरिसो परमेस्वर पाका बाचासो पबित्तरो आत्मा निङलि द्वाको।

इदोइसो या झालाफालापा जेङखे, कि व्यवस्थासो हासु बुङ परमेस्वरको आगाता धर्मि जेङलि मादोखे, हाइपालिपानु धर्मसास्तरता लेखेका हि, “जाइ परमेस्वरता खाङधुरि पाखे, वा दोङ वाकोसो धर्मि जेङखे, कालाउ उङको द्‍याङ दोङ जेलाउ बुङ बान्चितेङ ह्यावा।”