Popular Bible Verses from 2 कोरिन्थि 4

Share

केलाइ तिङका काथाता माको, मातिङका काथाहेङ खाङनाखे, हाइपालिपानु तिङका काथा एघुरिङ खिनिङ हिखे, कालाउ मातिङका काथा चाहि जेलाउलाउ बुङ थेकापा हिखे।

ओदोङ भाअ्सिङ केलाइ हारेस माचानाखे। केलाइको बाहारको मारेम्का जिउ नास जेङतेङ हानिलाउ बुङ केलाइको लिताको जिउ चाहि दिनाङ-दिनाङ नावा जेङतेङ हानिखे। केलाइको दुखगेलाइ एला आतुइसा हि कालाउ ह्रिङका सोमोइ थेकापा माहियाङ, हाइपालिपानु इङको दुखगेलाइहोइ केलाइहेङ आनान्त महिमा पिखे, जेदोङ केलाइ कल्पाना पालि दोका खान्तेङ हेन्जा हि।

केलाइ झाराङ पाहासो कस्ट निन्चाका हिनाहि, कालाउ बुङ निरास जेङका मान्थुन्हाहि। कालाउ केलाइ हाइ पालि गोइका हि केलाइहेङ थाहा मान्थु, कालाउ बुङ केलाइ हार माचान्हाखे। साताइन्हाका हिनाहि कालाउ बुङ त्यागिका मान्थुन्हाहि। दानाइ निन्चातेङ लोङका हिनाहि, कालाउ बुङ हान्ति जेङका मान्थुन्हाहि।

कालाउ एला केलाइको हृदयता केलाइ दोफा जेङका इङको फाइसालामका चिल्कातेङ हि, कालाउ केलाइ चाहि इङको भोनोइको हान्डिता हिका मेनाङ जाङका धन भाइका हिनाहि, इसिका तिङपाखे कि या चाहि परमेस्वरको सरबुङसो हि, केलाइसो माको।

कालाउ इदोइ सुमिङको दिर साइतान उङको खाङधुरि मापाकालाइको बिद्दिहेङ कान्हाँ बानाइ पिका हि, ओदोङ भाअ्सिङ इम्बालाइ ख्रिस्टको बारेता सुसमाचार कालाउ वाको महिमाको बारेता बुझिलि मादोखे, हाइपालिपानु ख्रिस्ट परमेस्वरको स्वरुप हि।

हाइपालिपानु परमेस्वर दोअ्हि, “कितिकितिकासो फाइसालामका चिल्काताको।” कालाउ ओदोङ परमेस्वर केलाइको ह्रदयता फाइसालामकाता भाइका केलाइहेङ फोम पाहि, कालाउकि केलाइ परमेस्वरको महिमाहोइ येसु ख्रिस्टता देखाल जेङका तिङलि द्वाको।