Popular Bible Verses from 1 थेस्लोनिकि 5

Share

जेलाउ बुङ आनान्द जेङतेङ हि। जेलाउ बुङ प्रार्थाना पातेङ हिसु। गोताङ आबास्थाता परमेस्वरहेङ धन्यबाद पिसु। हाइपालिपानु ख्रिस्ट येसुता नेलाइ पालि गोइका परमेस्वरको इच्छा इदोइ दोङ हि।

परमेस्वर जाइ सान्ति पिखे ताइमिङ दोङ नेलाइहेङ गोताङ खाल्होइ पबित्तरो बानाइयाको, कालाउ नेलाइको गोताङ आत्मा, प्रान कालाउ जिउ केलाइको प्रभु येसु ख्रिस्ट आरोङ मालोपा धाउ पुरा रुपसो दुसिका माह्यावा। नेलाइहेङ काइका परमेस्वर खाङधुरि योग्य हि। वा दोङ नेलाइहेङ पबित्तरो बानाइलि योग्य हि।

फोम पाअ्‌, हासु बुङ मारेम्का पाहि दोअ्काता वासेहेङ मारेम्का मापासु, कालाउ एमिसो-भेनेङ दोफा कालाउ झाराङ द्‍याङगेलाइ दोफा रेम्का पालि कोसिस पासु।

ओदोङ भाअ्सिङ एमिसो-भेनेङहेङ हाउसाइ पिसु कालाउ एमिसो-भेनेङहेङ येसुको खाङधुरिता आझाइ बल्लियाका बानाइलि साघाइसु जेसाङ नेलाइ पातेङ हिसुना।

कालाउ खान्धुराइ ओनेगेलाइ, केलाइ नेलाइहेङ आर्ति पिनाखे, कि कुरियागेलाइहेङ चेताउनि पिसु, थिकालाइहेङ हाउसाइ पिसु, हुइका हिकालाइहेङ मद्दत पासु, कालाउ झाराङ दोफा धैर्य जेङतेङ तिङपासु।

हाइपालिपानु परमेस्वर केलाइहेङ वाको चेरसो दन्ड पिलि छाल्का माको, भरु प्रभु येसु ख्रिस्टसो मुक्ति निङलिको भाअ्सिङ छाल्का हि।

का इसिका दोअ्खा, हाइपालिपानु नेलाइ झाराङ द्‍याङ फाइसालामका कालाउ दिनाको द्‍याङ कोनिङ रेम्फा ब्यभार पासु कालाउ आसल काम पासु। हाइपालिपानु केलाइ खान्धुराइगेलाइ इङको कितिकितिकाता हिका कालाउ दुस्ट सुमिङको द्‍याङगेलाइ भाइपा माको, जाइ पाप पाखे कालाउ मारेम्का ब्यभार पाखे।