Popular Bible Verses from 1 कोरिन्थि 6

Share

नेलाइहेङ थाहा दोङ हि, कि नेलाइको जिउ पबित्तरो आत्माको मुन्दिर दोङ हि। परमेस्वर पिका पबित्तरो आत्मा दोङ नेलाइको जिउ लिता बासा हिखे, ओदोङ भाअ्सिङ नेलाइ परमेस्वरको दोङ हिसुना। हाइपालिपानु नेलाइहेङ परमेस्वर दाम तिरितेङ चोल्का हि। ओदोङ भाअ्सिङ नेलाइ ताइको जिउसो परमेस्वरको महिमा पासु।

दुस्ट द्‍याङगेलाइ परमेस्वरको सासनता दुल्लि मानिनाङ दोअ्का काथा नेलाइहेङ थाहा दोङ हि। हासु बुङ नेलाइहेङ धोका मापियाको, छाडा काम पाका द्‍याङगेलाइ, मुर्ति पुजा पाकालाइ, कासिबिरिगेलाइ, बेजान दोफा बेजान जिम्कालाइ, वाबाल दोफा वाबाल जिम्कालाइ, खुकालाइ, दिकालाइ, म्हाकालाइ, मन्दा माताकालाइ, धाताइकालाइ परमेस्वरको सासनता दुल्लि मानिनाङ।

कासिबिरिसो दुरे दोङ हिसु, आरु हिसिकालाउ बुङ पाप द्‍याङ पाखे, इङको जिउसो बाहार दोङ पाखे, कालाउ कासिबिरि पाका ताइकोङ जिउको बिरोधता पाप पाखे।

आधिमि दोअ्तावा, “का हाइ दोङ पालाउ बुङ जेनाङ” कालाउ गोताङ काथाहोइ नेलाइको भालाइ मापाखे। का दोअ्लि दोअ्धाङका, “का जेदोङ पालाउ बुङ जेनाङ” हाइपालिपानु का ख्रिस्टको हिघा, का हिदोइ बुङ काथाको आधिनता हिलि माखाङका।

केलाइको जिउ महत्व पुर्न हि, हाइपालिपानु जेसाङ परमेस्वर प्रभु येसुहेङ ताइको सरबुङसो सिकासो सिन्चाल पाहि, कालाउ केलाइहेङ बुङ वाको सरबुङसो सिकासो सिन्हु पाङ।