Popular Bible Verses from Galatia Uram 2

Share

Nira nun Du Yesus Kristus ab tonkwa dibmanoumwe ati ebman. Ara, nun Du Yesus biryi Erdamnyi karebdandoka co lase deici dibmou ba, Erci ni malyi tenen dinyi nirya boboka kum daneibmou. Kam tuba kunun cok, niryi ni teleb tenebmanyi tok tuba kum kunun. Eda, nun Du Yesus Kristus bisi ni kanya dam kurur aryi niryi Erci teleb tenebmaci tok kununun. Ni ukuryok kam kunun ara Er Imtamnyi Mi ati, “Ni lemnururnyi,” tenenun. Nun Du bira nisi boukwe weik kunurur ati, Erci niti, “Lebkwan,” tenen Erdamnyi karebdanmou.

Nun Nai Imtamnyi biryi nunsi teleb kurdeirisurur ati, niryi bai donokman do? Ato tenen kum. Eda, niryi Er Imtamnyi biryi teleb kurdeirisurur asi u dikum deibman. Nunci, “Musa Uram asi kunubtibyi ura, nun Nai Imtamnyi biryi nunsi dobdobkwansir,” ebtibyi ura, nun Du Yesus Kristus diamwe ara talyi ati diante ati ebman. Nun Du dibmou ara, “Er Imtamnyi biryi sunsi dobdobkwande,” tenen nunti dibmou ati, ato ebman.

Wenenmase obura, niryi ato ebmase. “Nun nai yabwe nun kwin yabwe ara Yahudi yala nang aryi nunsi deibmasei ati, nunbabyi neiktoto Yahudi yala nang akwe kunub. Nunda yuk yala nang aryi Musa Uram sun kum bingnung to kum kunub,” ebmase. Nunda ato nang kuramib bok, Er Imtamnyi biryi nunsi dobdobmasou ara Musa Uram kununa deib aryi Erci nunsi kum dobdobmasou. Eda, nunci nun Du Yesus Kristus bisi dib tenenub deyok aryi, nun Nai biryi, “Ni dam kun nang kibdeibkwan,” tenen nunsi dobdobmasou. Ninyi tentok ababyi Musa Uram kununa biriman aryi erdamnyi kum lebdandobte ara nun nirya bingnub. Nun Nai Imtamnyi bira sun Musa Uram kunubtibyi tenen nang ati, “Ni dam kun nang kibdeibkwan,” kum tenerur. Eda, sun nun Du Yesus bisi dib teneramibyi nang akwe nun Nai Imtamnyi biryi, “Dobdobkwan,” tenesurur.