Popular Bible Verses from Mathi 5

Share

Miapuorei mibou petulie di pie bie khro baya mo, derei pie mituba gei baya; siliro süu kinu kebako pete va pezielieya. Sütuoi mia bu nie mhatho kevi ngu di teigei keba nieko Puou tshelieketuo la nie kezie pie mia va pezieliecie.”

“Niekoe kijü kezie zo, kijüthou gei keba nadiu mia puo ngu motalie lho.

“U nou kemesako thejakepfütho, kekreilamonyü süko Ukepenuopfü ngu zotuokecü la.

“Kemiatho dze pfhü keterhükemerü chüyakezhako thejakepfütho, kekreilamonyü süko pevülie zotuokecü la.

Derei a nieko ki pushütuo, Nie ngumvümia khrielie, mu nie peseyakezhako la chalie

“Ruopfü kitsa ketsopfhüko thejakepfütho, kekreilamonyü teigei kedi süko vie zokecü la.

“Vitho la mhachüyakezhako thejakepfütho, kekreilamonyü süko üse Ukepenuopfü nuonuo üdi kie zotuokecü la.

“Krayakezhako thejakepfütho, kekreilamonyü süko u nouluolie zotuokecü la.

“Kemiatho la mia bu u peseyakezhako thejakepfütho, kekreilamonyü teigei kedi süko vie zokecü la.

“Mia ngumezhieyakezhako thejakepfütho, kekreilamonyü süko rei ngukemezhie ngulie zotuokecü la.

“A la mia nieko tha tsiu nie pese mu tijü di nie gei die kesuo neiüko pu ro nieko thejakepfütho. Nie neilie mu nie neithor zolie, kekreilamonyü teigei nie zhakhra vi se zotuokecü la, sütuoi mia thiedzü nie mhodzü ketuo siedzekesiko rei pese phi zo.

“Kemiako kemoko thejakepfütho, kekreilamonyü süko kijüu pie u vie chü zotuokecü la.

“Niekoe kijü tsie zo, derei metsie puo kelhe jüta ro, kedipuo pie chü pelhelie ta? Süu kemethuo chütaya, sidi kelhouwa di mia bu kedekewa zotaya.

Süla teigei keba nieko Puou vi tseikecü tuoi nieko rei vi tseiliecie.

Derei nie die bu ‘U’ ro ‘U’ ülie ‘Mo’ ro ‘Mo’ ülie, mo di süu zieta ro kesuou kinu zo.

“Nieko ‘Mhi puo khe mhi puo, mu hu puo khe hu puo,’ idi pukeshü silieta die. Derei a nie ki pushütuo, kesuo kechümia mese chü hie, sikecüumonyü miapuonie n dzo n zatsa vü ro, kekreitsa rei kerei lapie puo tsücie

Süla n mhi n zatsa n chü kephouma ro; n geinu kerülapie kelhouwacie, n mo peteu kelhoupie Gehena nu shükewau ki rei n mo gei za puo jüketa we vikuo. Mhanuü n dzie n zatsa n chü kephouma ro, süu da kelhouwacie; n mo peteu kelhoupie Gehena nu shükewau ki rei n mo za puo jüketa we vikuotuo.