Popular Bible Verses from Mathi 13

Share

Derei tsia vapie kijü kevi nu shükewau zo we dieu rünyülie di puoca silie; mu puo si rüchülie petuoya, sidi huo krie puo; huo hiesorou mu huo ser vülieya.”

Siro tsia vapie zohu donu shükewau, themia süu dieu rünyülie, derei kijüu rüliko lepie thenou kenyü chü mu kishükinyi kemehou bu dieu gewa, sidi puo si vülie moketau zo.

Themia huo kedi dieu rünyülie di puoca lelie mo keba nu, kesuou vor di puo melou nu leketau sesetaya; haue tsia te cha nu tsuketau zo.

Tsia te ketsietsoruko gei tsuketau liro rünyüshü mu u nei siei di lie mhaikelieu mhie zo. Derei themia süu puo mie kejü la zopuoki rübei bakelie zotaya; sidi dieu la kemezhiekecü morei mia u pesekecü sier tse puo tetsu mhataya.

“Teigei kedi-e lietsa puo nu kinyi keviepie kezhü mhie zo; mia puo vo süu ngulie di kevie lapie zhüwa; süsie puo keneipfü vo di puo vie ketuo peteko zelie di se vo süu khrülie.

Derei kekreiko te kijü kevi nu tsulie di puo si vülie, huo krie puo, huo hiesorou mu huo ser.

Lieyie tei vor kemochie unie kenienie bu keze lhou balie; siro lieyie tei vor tse a thuo liekereko ki zotshüko bie kengulie rie di thewaketuo la süko khrolie, derei telhako we pie vo a lhaki nu kenguliecie,’ siwatuo.”