Popular Bible Verses from Nugana 35

Share

Ta Eaubada ‘i ona ‘enaia, ‘Abo‘agu Eaubada Toewaiwaisana: ‘U da losiwa ta ‘u da susaila: ‘emuiega ‘ebeloina ta ‘ebeloina mabodadi si da apwesa, ta tolobwamuiega kiniao si da apwesa; ta ‘asa Aberaamo ta Isaako ia ‘ebwa‘ebwa‘edi, ‘emuia ia da ‘ebwaea‘ena, ta tubumuao murimuia ‘asa nina ia da ‘ebwaedi.

be ta da tooro, ta Betela ‘ena ta da tu‘e; ta ‘ena ‘ebetaria ia da ‘abi Eaubada ‘enaia, tauna ‘eguia ‘i onalimanama ‘igu dedoi ‘ina ‘asiata ‘enega, ta ‘edega ia tautauia tauna ma‘ieagu.

Ta Eaubada ‘i ona ‘enaia, ‘Amu esana Iakobo: gea‘abo wate ‘amu esana si da ‘ina‘inana Iakobo, ta ‘amu esana Iseraela: ta ‘i eesena Iseraela.

Ga Iakobo ‘i ona ‘ina anua ‘ana tomianao ‘edia, ta iauiaudi ma‘enao ‘edia, tokwarui dumadumadi ‘emia si miami wa da ‘ewa iauledi, ta wa da gie‘esasemi, ta ‘ami ‘oama wa da e‘otedi

Ta Eaubada ‘i ona Iakobo ‘enaia, ‘U da tooro, Betela ‘ena ‘u da tu‘e, ta ‘ena ‘u da miami: ta nada ‘ebetaria ‘u da ‘abina Eaubada ‘ena, tauna ‘emuia ‘i apwesa ‘ena ‘u denadena Esau tasio matanega.

Ta gete ‘i apwesa, iaruiaruana ‘i apweapwesa (‘i kwaia ta ‘enega), ga ‘i eesena Benoni: ta tamana ‘i eesena Beniamina.