Popular Bible Verses from Markos 12

Share

O Jesus phenda leke: O zakono mai baro si gava: Asun, Israel: O Gazda amaro Del si o edino Gazda. Volisar e Gazda kai si cho Del sa che liea, sa che duoia, sa che misloia ta sa che zoriaia. A si iek zakono ios: Volisar avere sar voli tu tut. Nisavo aver zakono inai mai baro neko gala.

Ondaka o Jesus ikharda pe disipulonen, ta phenda lenge: Phenav tumenge kai gaia phivli chorri dia mai but neko sa ogola llene kai thovena e love ande baulia, soke sa die katar so ni trubul len, a voi ande po chorripe, dia sa so saia la te pravarelpe.

Iek llive o Jesus besela angla e baulia kote kai chidena e love katar o cher e Devleko, ta dikhela sar thovena e love. Ta but barvale thovena but love. Ta avili iek phivli chorri, ta thoda dui tolaricha jarkune, kai ni mol len but.

Ta te voli e Devle sa che liea, sa che misloia ta sa che zoriaia, ta te voli suakone llene sar voli isto tut, mol le mai but neko sa e kurbanura.

Ondaka o Jesus phenda lenge: Den e Sesare so si e Sesareko, ta den e Devle so si e Devleko. A von chudisaile letar.