Popular Bible Verses from Mateo 2

Share

Kana die ando cher dikhle e minone leke daia e Mariaia, ta thodepe changenchar ta blagosisarde le. Ondaka putarde pe baulia minone ta die le sunakai, taimano, ta i mirra.

O Jesus biandilo ando Belen katar e Judea, ande llivesa kana o Erodes gazdarila goia phuv. Ondaka avile katar o oriente ando Jerusalem nesave bizai manus, von sikona katar e cheraia. Ta puchena: ¿Kai talo o charo e judionengo kai biandilo? soke amen dikhlam leki cherain ando oriente, ta avilam te blagosi le.

Ta kana e bizai manus dikhle e cherain, veselisaile but.

A o Del sikada lenge ande sune te na irinpe kai o Erodes, goleke von irisaile ande pi phuv katar aver drom. Kana e bizai manus lleletar, iek suecho e Devleko sikadilo e Joseeke ande sune, ta phenda leke: Uste, le e minone ta i leke da, ta nas ando Ejipto ta achi incha llik kana me ka phenav chuke, soke o Erodes ka rodel e minone te mundarel le.