Popular Bible Verses from Mateo 18

Share

soke kote kai si dui o trin llene chidine ande mo anav, kote sem me maskar lende.

Pale phenav tumenge kai dui llene tumendar te thovenape ande iek mislo te mangen varesavi ezgoda ando molipe kate pe phuv, mo Dad kai si ando miloso ka del la tumenge

Ondaka o Jesus ikharda iekhe minone ta thoda le po maskaral lendar ta phenda: Chachimaia phenav tumenge, kai te na pharrudola tumaro zivoto ta te na cherdona sargo minone, ni ka den ande charoina e milosoki.

Soke e mai bare ande charoina e milosoki si gola llene kai cherdon sargo gava minono kai si prosto.

A vareko te lela ande mo anav iekhe minone sargo gale, man lel.

Chachimaia phenav tumenge kai sa so phandena pe phuv ka avel phanglo ando miloso, ta sa so putarena pe phuv ka avel putardo ando miloso.

Isto gia mo Dad kai si ando miloso ka cherel tumenchar te na prostina e phlal iek avere sa tumare liea o bilachipe kai cheren.

A vareko te cherela te perel ando bilachipe iek katar gala minone kai pachan ande ma, mai sukar avela leke te chuden le chak telal katar e mora phanglo e korratar pe iek baro barr.

¿A so phenen tumen? Iek manus te avela le stotina bakre ta te jasaol leke iek lendar ¿ni mukel e iniavardes ta inia ta llal pe burdura te rodel gole bakre kai jasailo?