Popular Bible Verses from Ebreos 6

Share

Gava so adurichara cherel amen te ava zurale sargo iek ankla katar e llimia kai cherel la te achel pe iek than ta te na miskolpe. Gava so adurichara si so nakhlo pe ogoia rig katar o chiti ando Cher e Devleko kai si ando miloso.

Soke o Del si chacho ta ni ka bristarel so tumen cherden, ta o volipe kai sikaden leke kana pomozisarden e llenen katar o foro santo, ta sar llik akana tumen cheren le.

A sar o Del ni kojavel, leko alav kai dia ta leke sovel kai jala nasti pharrudon. Katar gala ezgode la zor, soke amen manga te arakhel amen o Del ta pacha kai vou ka del amen so phenda.

Goleke morabi te lla angle lligo ni ka ava bare ta muka pe iek rig e purve ezgode kai sikilam katar o Kristo. Na iri amen pale kai e mai palune ezgode kai phenen te muka o bilachipe, te lla pala o Kristo, te muka o bilachipe kai inllarel kai o meripe, o kai morabi te pacha ando Del