Popular Bible Verses from Ezekiel 37

Share

Ondaka phenda mange: Porokisar pe gala kokala, ta phen lenge: Kokala suke, asunen o alav e Devleko. Gia phenda o Del o Gazda gale kokalenge: Me cherav te del ande tumende duo, ta ka zivin.

Ta ka thovav pe tumende zile, ta ka cherav te likel pe tumende mas, ta ka thovav ande tumende duo ka zivin, ta ka llanen kai me sem o Del.

Ta phenda mange: Chavo e manuseko, ¿Ka zivin gala kokala? Me phendem: Gazda Devla, tu llanele.

O va e Devleko avilo pe mande, ta inllarda man ando duo e Devleko, ta thoda man po maskaral katar iek bari umal kai saia pherdi kokala. Ta cherda man te phirav truial pasa lende, ta sea but pe phuv e umaliaki, ta sea but suke.

Phendem e poroka, gia sar phenda mange o Del, ta vareso asundilo kana me porokiva, ta dermosaili e phuv, ta e kokala chidinaile suako kokalo pe kokaloia. Ta dikhlem e zile upral pe lende, ta likista pe lende o mas, a ni saia duo ande lende.