Popular Bible Verses from 1 Pedro 2

Share

A tumen akana sen o foro santo e Devleko, e popura chachune kai radin e charoke. Gua si te sai sikaven e bare ezgode kai cherda o Del; te liken katar o truniariko ta te aven karing o villelo.

O Kristo inllarda amaro bilachipe ande pi esnaga po krusto, te sai amen kai sama mule ande amaro bilachipe te zivi e chachimake, ta pala leko mas ranime te ava amen sastarde. Omanglal tumen llana sargo bakre jasarde, a akana irisailen karing o Kristo kai vou si o chobano kai arakhel tumaro zivoto.

Omanglal tumen ni sena niso, a akana sen foro e Devleko; omanglal o Del ni prostila tumaro bilachipe, a akana vou volil tumen.

Isto gia sargo e minone kai mangen o thut katar pi dei, mangen i tumen o thut kai si e lachi viasta, te barion ta i te aven braduime

Phlalalen, me dav orba tumenchar sargo llenenge katar aver sueto kai samo nakhen pe gaia phuv. Na cheren niso bilacho soke te cherena le, ka peren ando jasardipe. Te aven lache e llenenchar kai ni pachan ando Del. Golea, gala llene kai akana den orba bilachi tumendar, ka dikhen o lachipe kai cheren tumen ta ka blagosin e Devle ando llive e krisako.

Isto gia o Del ka cherel tumen sargo barra llunde te vazdel iek cher Duoko e Devleko; ta tumen ka aven leke popura sante ta pala o Jesukristo ka den kurbanura Duoke kai peren drago e Devleke.

Muken o bilachipe kai cheren. Na kojaven, te na joliaon kana averenge llal sukar na den orba bilachi katar aver llene.

Aven kai o Gazda, soke vou si o barr llundo kai e llene ni thode leke sama, a o Del esvirisarda le sargo o barr mai kuch.

Llan tumen sargo llene kurtulime, ta na mislisaren soke sen kurtulime sai cheren sogo kamen, mai sukar zivin sargo esluge e Devleke.

Soke o Del mangel tumendar te aven lache, te na den orba bilachi tumendar e dile.