Popular Bible Verses from 1 Korintios 13

Share

Kana e manuse si le volipe suako ezgoda terpil ta si lacho, inai le joli, ni blagosil vou pe, ta ni cherel baripe ande pe, ni phenel bilache alava, inai lakomo ta ni achel joliariko averea

Ka si le volipe sai prostil suako ezgoda, sa sai pachal, sa sai aduricharel, ta sa sai terpil.

ni veselilpe ando bilachipe, veselilpe ando chachipe.

Si trin ezgode kai nikada ni ka meren: O pachape, so adurichara ta o volipe, a o mai baro lendar si o volipe.

O volipe nikada ni ka merel. Iek llive e poroka katar so si te avelpe ni ka avel ios, ta ni ka delpe orba ande aver chibia ta ni ka trubulpe o bizaipe.

Te dava orba e chibia e manusenge ta i e suechonenge, ta te na avel man volipe, sen sargo iek sastri kai basel o iek sinbalo kai asundol.

I te avela man dini e poroka te llanav so si te avelpe, ta te llanava sa e ezgode gurudine e Devleke ta sa o bizaipe, ta te avela man iek pachape gia baro kai sai miskou e burdura, ta te na avela man volipe, ni sem niso.

I te dava sa so si man te jan e llene kai si chorre, ta i te dava mi esnaga te phabardol pala lende, ta te na avela man volipe, gua niso ni blazil mange.

Kana sema minono, dava orba, misliva man ta acharava sargo iek minono, a kana barilem, muklem palpale e ezgode kai cheren e minone.