Popular Bible Verses from Ukunukuo 11

Share

Kangë malaëka wa mufungatë agafemba ifëmbe rakwe. Na nduri nküü ëgategheeyeka girunde yiuhanya, “Itungwee wibali gunto a urëmi në wa Müküü witu nanë Kiristo wakwe. Mweesonoo ugibala khae na khae!”

Ana va murëmi woong'e vëgahumwa makuvo, gusoko itungo ra makuvo ako rafikaa, itungo ra uvaramwua akuyi. Unë itungo ra uvatambëëya atumami vako anyagëdaghu, antu vako nanë voong'e nëvëurëkutaa rina rako, aküü gwa a nyughu. Në itungo ra uvauragha vasaa nëvëuwuragha urëmi.”

Nenoo nguvatuma asudangëi vane vavëë vëtanantye ukhani wa Muungu gwa itungo rësëë ra matiku ighana rëmwedu ra njou na maghana avëë na makumi mutandatu ësa vërëe masaa a magunëa.”

Ëgweeso nënaa matiku asaa në atatu na mumwe rumwedu akëra mwahu wa ufanga ufuma kunë Muungu ugavingëa, veesonoo vëgimëka; voong'e nënaa vawoona vëgëngëwa na choghofi giküü.

Vasaa vina udaho wa umëtunga nto, mbura ëtanëe itungo nëvëutanantya ukhani wa Muungu. Kangë vina udaho wa ukhanëkëya mërihë oong'e a majë ëtënde saghami nanë gweeta ikuya ra muu gëntu muurëmi, muu fana vayanja.

Asudangëi vasaa në vavëë në mëtë ëvëë a mëseituni nanë vëemwe vivëë nëëvëumwëëkaa usonge a Müküü wa urëmi. Mbesa muntu asoye uvatumwua, moto ugudua umëomo awe na uvauragha arughu vawe; na mu muntu nëugusoya uvatumwua ugukuya nkuya ëyëëyo.