Popular Bible Verses from 1 Ratahigi 17

Share

Huri lehe havai i HUQE, i Huqe Mauri nora tau Israel u veve: ‘A lahai vulaoa vin he rovo te lai me a lahai vurei vin he mamaha tea, vin dadari lo rani hi a HUQE vin bete na uhe lolo vanue.’”

Siseri lehe i Elaeja, tau Tisbi lolo vanue Kiliad, mo veve lawe Ehab vena, “Namo haharigi lo henai HUQE, i Huqe Mauri nora tau Israel hi mo mwaso, ngehi neu nam tabana lawea, a endano vin hatie sige a uhe lolo higao ram vumai mosigei teu vin dadari lune i neu nain veve.”

Elaeja mo veve lawea move, “Go mese matagu. Go mule me gom vai na havai mwere gu vevea. Nge tomuegi goin vei na hinaga biti huri eu dena gamu hinaga mo eno. Me gom laie su vomai lawe au. Siu gom vai na hinaga huri go mei netumu.

Ngeie mo duvi vena, “Namo haharigi lo henai nomuHUQE Mauri mo mwaso, gangu hinaga hatie nge a vulaoa biti u tatarise mena qaqai lime lolo laha me a vureigi biti lolo laha. Neu nam vile bubugi na avi hogosire, ve na laire talo valengu me nai vei na hinaga huri eu mei netungu mwera, huri ve gori genie, siu gorom mate.”

“Go vano siseri Sarevat lolo vanue Sidon me gom toga taie. Neu nau hora na vavine mandue tau lo ute hi ve vin bete na hinaga lawego.”

Huri a lahai vulaoa he rovo tea me a lahai vurei he mamaha tea, mo huri na leo noi HUQE i Elaeja u vevea.

Nge mo vano me mo vai na havagi hi i Elaeja u vevea lawea. Siu a hinaga mo eno vataha rani huri Elaeja me huri na vavine hi mei netune.

Siu nge mo vano Sarevat. Tavohe nge mo vomai lo mataituregi vanue renge, a vavine mandue mo vile avi. Nge mo ware su vano lawea me mo hui, “?Huri ve gon lai na wai biti lolo laha i nan inue?”

Goin inuinu dena halai wai matamata, me neu nain hora na manu revin hurive rain bete na hinaga lawe go taie.”

Tavohe vavine hi mo vano ve na laie, nge mo ware, “Etue, me goin lei na tavisei bereti te biti lawe au.”

A revin ram wali na hinaga mena gabigigi lolo rombongi me hinaga mena gabigigi lolo revirevi lawea, me mo inuinu dena halai wai matamata.

Lo tagugi he rimbi tea a halai matamata hi mo mamaha huri he uhe tea lolo vanue.

Siu a vavine hi mo veve lawe Elaeja vena, “Siseri lehe i neu nam ilo huri ve i nigo a tangaloi noi Huqe Mauri me a leo noi HUQE dena singomu a hogo.”

Siu mo vai mwerehi i HUQE u vevea lawea. Ngeie mo vano sulo halai wai Kerit, lobei Jodan lune matenaho mo galo. Me mo toga taie.

A HUQE mo rongo na ngarana noi Elaeja, me a mwasoana noi maresu mwera hi mo mule lawea taligu, me ngeie mo mwaso.