Popular Bible Verses from Whakatauki 3

Share

Whakapaua tōu ngākau ki te whakawhirinaki ki a Ihowā, kaua hoki e okioki ki tōu mātauranga ake. I ōu ara katoa whakaaro ki a ia, ā, māna e whakatika ōu huarahi.

Kei whakaaro ki a koe he mōhio koe; e wehi ki a Ihowā, kia mawehe i te kino

Kia whai korōria a Ihowā i ōu rawa, i ngā mātāmua anō hoki o āu hua katoa; ā, ka kī āu toa i ngā mea maha, ka pakaru anō hoki āu rua wāina i te wāina.

Kei whakarērea koe e te atawhai, e te pono; heia ki tōu kakī; tuhituhia iho ko tōu ngākau ānō hei papa.

E tāku tama, kaua e whakahāwea ki tā Ihowā papaki; kei ngākaukore anō koe ina ākona e ia. Ka ākona hoki e Ihowā tāna e aroha ai, ka pērā tāna me tā te matua ki te tamaiti e matenuitia ana e ia.

E tāku tama, kei wareware ki tāku ture; kia puritia hoki āku whakahau e tōu ngākau. Kātahi ka nui ake ngā rā roa mōu, ngā tau e ora ai, me te āta noho.

Ka hari te tangata kua kitea nei e ia te whakaaro nui, me te tangata anō kua whiwhi ki te mātauranga, pai atu hoki te hokohoko o tērā i tō te hiriwa e hokohokona nei, ōna hua i te kōura parakore. Nui atu ōna utu i o ngā rupi; e kore anō hoki ngā mea katoa e minaminatia e koe e rite ki a ia.

Kaua e kaiponuhia te pai ki te hunga i tika nei mā rātou, i ngā wā e taea ai e tōu ringa.

Nā te whakaaro nui o Ihowā i whakatūria ai e ia te whenua; nā tōna mōhio tāna whakapūmautanga i ngā rangi.