Popular Bible Verses from Whakatauki 22

Share

Whakatupuria ake te tamaiti i te ara e haere ai ia, ā, ka kaumātua, e kore e mahue i a ia.

Ko te hua o te māhaki, ā, ko te wehi ki a Ihowā, he taonga, he hōnore, he ora.

Engari te ingoa pai e whiriwhiria rawatia i ngā taonga nui, me te manakohanga aroha i te hiriwa, i te kōura.

Kaua e whakahoa ki te tangata pukuriri; kei haere tahi hoki koe i te tangata āritarita

Ko te kanohi ohaoha, ka manaakitia tērā; e hoatu ana hoki e ia tētahi wāhi o tāna taro mā te rawakore.

Ko te tangata tūpato, ka kitea atu e ia te hē, ka huna i a ia; ko ngā kūware, haere tonu atu, mamae tonu atu.

E whakatakoto tikanga ana te tangata taonga mō ngā rawakore; ā, ko te tangata i te nama, hei pononga ia mā te tangata nāna i whakatārewa mai.

Ka tūtataki te tangata taonga rāua ko te rawakore; ko Ihowā te kaihanga ō rātou katoa.

Kaua e pāhuatia te rawakore, nō te mea he rawakore ia, kaua hoki e whakatupuria kinotia te tangata iti i te kūwaha. Nō te mea ka tohea e Ihowā tā rātou tohe, ka pāhuatia anō hoki e ia te wairua o te hunga e pāhua ana i a rātou.